دى كلمات كتبتها بمناسبة انتخابات مجلس شعب 2010
ربنا معاكم يا اخوان مصر
صرخة وطن
صرخة وطن أن فى جراحة لاجل ما يزيل الخطر
صرخة وطن أن فى جراحة لاجل ما يزيل الخطر
صرخة وطن عايش فى حلمة رغم زخات المطر
صرخة وطن راضى بسلمة غنى انشودة قدر
صرخة وطن راكب جوادة ودربه مفروش بالحجر
اه يا وطن الكل فيك ساكت فى احضان الحذر
الكل عايش ومش عايش ومش عارف ايه الخبر
وان قلتله ايه الحكاية ايه الرواية
يصرخ ينادى حقى ضايع يا بشر
وان قلتله منين البداية
قال من زمان ومن يوم السفر
لما باعونا باعوا الحقوق
باعوا الوطن وحتى اوراق الشجر
لما باعونا باعوا البلاد
باعوا العباد وحتى حبات المطر
وفى الانتخاب يوم الانتخاب
سرقوا البلد سرقوا البراءة
سرقوا الرجولة والجلد
حلم الشباب ببكرة جاى اكبر الم
حلم الشباب بصوت يملا الوطن ضاع وانكتم
حلم الشباب بكلمة حق فى السجن راح تتختم
حلم الشباب بخير بلاده وبحقه تاه واتردم
حتى معانى الصبر والخير والامل
جوه النفوس تاهت وضاعت يا وطن زى العدم
شوف الوشوش زى الصنم
شوف القلوب تشبه حجر
شوف النفوس زادت ندم
شوف العيون حسرة والم
وفى الانتخاب يوم الانتخاب
قوم يا وطن واصرخ بحلمى
وحلم ايامى اللى جايه
للحق اه للظلم لا
قوم يا وطن وباعلى صوت للظالمين حنقولها لا
قوم يا وطن وباعلى صوت للمرتشين حنقولها لا
قوم يا وطن وباعلى صوت ضد اللى باعوا الغاز حنقولها لا
قوم يا وطن ضد اللى تاجروا بارواح البشر حنقولها لا
قوم يا وطن وباعلى صوت ضد الفساد والمفسدين حنقولها لا
وفى الانتخاب يوم الانتخاب
قوم يا وطن واصرخ بحلمى
وحلم ايامى اللى جايه
للحق اه للظلم لا
قوم يا وطن وباعلى صوت للى صانوك جوه القلوب حنقولها اه
قوم يا وطن وباعلى صوت للى حموك ضد الظلام حنقولها اه
قوم يا وطن وباعلى صوت للى ايديهم شعلة امل حنقولها اه
قوم يا وطن وباعلى صوت لاخوان بديع حنقولها اه
قوم يا وطن وباعلى صوت للصالحين والمصلحين حنقولها اه
ليست هناك تعليقات:
إرسال تعليق