نصحى شملول (2)
مصر بلدنا لسه بخير
بعد يوم طويل وشاق ولف من هنا لهناك بحثا عن خبر او فكرة لكتابة مقال او قصة وبعد رحلة من البيت لجريدتنا العزيزة " الجسر " ثم فى شوارع مصر ...ومن نقابة الصحفيين ....لمستشفى عابدين لزيارة زميلنا حسانين اللى عمل حادثة يوم الاثنين وبعد اللفة الطويلة دى.. متعود كل كام يوم اخر السهرة اروح قهوة " المحروسة " على فكرة دى قهوة مشهورة فى الحسين بيقعد عليها مجموعة من المثقفين بنتكلم عن حالنا وحال بلادنا.. اللى بيقول كلمة ولا فكرة واللى بيقول قصة ولا حكمة ، احيانا نندب حالنا من ظلم لقهر لزهق وعناد واحيانا نرسم بكرة بشموع وورود وامال ووعود ......احنا شلة مثقفين ....شخصيات لذيذة وعقليات اريبة فينا عم محمد المنياوى اللى جه من الصعيد الجوانى مع اهله من سنين شايلين من خير بلدنا وقيم اجدادنا ، الاستاذ مصطفى النبراوى مدرس لغة عربية ثانوى ساكن فى الحسين عاشق للشعر والادب ، المهندس ابو العلا جادالله عقل وفكر وثقافة وعاشق للصحافة، الاستاذ كارم السلامونى محامى عقر وافوكاتو مصيد ، عم حسين المغنواتى عنده عود صغير بيحب يدندن عليه ( خصوصا بعض ازجال عم مصطفى ) هو صوته مش حلو قوى لكنه فيه عبق مصر القديمة ، الاستاذ عماد المستكاوى كاتب ومؤلف ومحلل بجريدة النهار ......
النهاردة اكلمنا فى حاجات كتير عن شرفاء مصر وحرميتها عن اللى بيبنوا بلادنا وعن اللى بيسرقوا يومنا ومستقبلنا وفوجئنا ان الاستاذ مصطفى كتب شوية ابيات فى نفس الموضوع وقال لازم تسمعوها ونخلى عم حسين يدندنها على العود ... حبيت اكتبها لكم يارب تعجبكم .....
قوم يا محمد قول لحسين
مصر بلدنا راحة على فين
شارب نيلها وواكل خيرها
بس ياريتك من العاشقين
اللى حموها واللى صانوها
و بسواعدهم ويا العين
يحموا ترابها يبنوا شبابها
يرفعوا راسها و يحموا الدين
وانتى يا نادية قولى لفادية
لينا بلدنا ولا لمين
للشللية والحرمية
لاجل جنيه ولا اثنين
للى باعوها واللى هانوها
حرقوا بلادنا وسرقوا الطين
ولا بلدنا للاوجرية والمساكين
اللى شالوها وصبروا عليها
بس بلدهم رغم سنين
فيها القحط وفيها الدين
يوم تعاندهم يوم تصالحهم
واهى ايام مليانة انين
قوم يامحمد قوم يا حسين
قومى يانادية وانتى يا فادية
يلا يا طه نادى حكيم
وانت يا مجدى قول لكريم
وانتوا يا اهلى وانتو يا ناسى
يلى فى مصنع ولا فى غيط
يلى فى متجر ولا فى بيت
يلى شايفنا واللى عارفنا
مصر بلدنا لسه بخير
ايدى فى ايدك نمحو البين
نرفع راية مصر الدين
نبنى بلادنا نحمى رايتنا
ونقول لشعوب ولملايين
مصر بلدنا لسة بخير
فيها النيل فيها الازهر والقرضاوى
فيها زويل منها البنا والشعراوى
فيها عقول وقلوب ملايين
بيضحوا عشانها وساكتين
بيعيشوا الامها وراضيين
بيحبوا بلادهم بحنين
من اجيال وليوم الدين
مصر بلدنا لسة بخير ...مصر بلدنا لسة بخير
مصر بلدنا لسه بخير
بعد يوم طويل وشاق ولف من هنا لهناك بحثا عن خبر او فكرة لكتابة مقال او قصة وبعد رحلة من البيت لجريدتنا العزيزة " الجسر " ثم فى شوارع مصر ...ومن نقابة الصحفيين ....لمستشفى عابدين لزيارة زميلنا حسانين اللى عمل حادثة يوم الاثنين وبعد اللفة الطويلة دى.. متعود كل كام يوم اخر السهرة اروح قهوة " المحروسة " على فكرة دى قهوة مشهورة فى الحسين بيقعد عليها مجموعة من المثقفين بنتكلم عن حالنا وحال بلادنا.. اللى بيقول كلمة ولا فكرة واللى بيقول قصة ولا حكمة ، احيانا نندب حالنا من ظلم لقهر لزهق وعناد واحيانا نرسم بكرة بشموع وورود وامال ووعود ......احنا شلة مثقفين ....شخصيات لذيذة وعقليات اريبة فينا عم محمد المنياوى اللى جه من الصعيد الجوانى مع اهله من سنين شايلين من خير بلدنا وقيم اجدادنا ، الاستاذ مصطفى النبراوى مدرس لغة عربية ثانوى ساكن فى الحسين عاشق للشعر والادب ، المهندس ابو العلا جادالله عقل وفكر وثقافة وعاشق للصحافة، الاستاذ كارم السلامونى محامى عقر وافوكاتو مصيد ، عم حسين المغنواتى عنده عود صغير بيحب يدندن عليه ( خصوصا بعض ازجال عم مصطفى ) هو صوته مش حلو قوى لكنه فيه عبق مصر القديمة ، الاستاذ عماد المستكاوى كاتب ومؤلف ومحلل بجريدة النهار ......
النهاردة اكلمنا فى حاجات كتير عن شرفاء مصر وحرميتها عن اللى بيبنوا بلادنا وعن اللى بيسرقوا يومنا ومستقبلنا وفوجئنا ان الاستاذ مصطفى كتب شوية ابيات فى نفس الموضوع وقال لازم تسمعوها ونخلى عم حسين يدندنها على العود ... حبيت اكتبها لكم يارب تعجبكم .....
قوم يا محمد قول لحسين
مصر بلدنا راحة على فين
شارب نيلها وواكل خيرها
بس ياريتك من العاشقين
اللى حموها واللى صانوها
و بسواعدهم ويا العين
يحموا ترابها يبنوا شبابها
يرفعوا راسها و يحموا الدين
وانتى يا نادية قولى لفادية
لينا بلدنا ولا لمين
للشللية والحرمية
لاجل جنيه ولا اثنين
للى باعوها واللى هانوها
حرقوا بلادنا وسرقوا الطين
ولا بلدنا للاوجرية والمساكين
اللى شالوها وصبروا عليها
بس بلدهم رغم سنين
فيها القحط وفيها الدين
يوم تعاندهم يوم تصالحهم
واهى ايام مليانة انين
قوم يامحمد قوم يا حسين
قومى يانادية وانتى يا فادية
يلا يا طه نادى حكيم
وانت يا مجدى قول لكريم
وانتوا يا اهلى وانتو يا ناسى
يلى فى مصنع ولا فى غيط
يلى فى متجر ولا فى بيت
يلى شايفنا واللى عارفنا
مصر بلدنا لسه بخير
ايدى فى ايدك نمحو البين
نرفع راية مصر الدين
نبنى بلادنا نحمى رايتنا
ونقول لشعوب ولملايين
مصر بلدنا لسة بخير
فيها النيل فيها الازهر والقرضاوى
فيها زويل منها البنا والشعراوى
فيها عقول وقلوب ملايين
بيضحوا عشانها وساكتين
بيعيشوا الامها وراضيين
بيحبوا بلادهم بحنين
من اجيال وليوم الدين
مصر بلدنا لسة بخير ...مصر بلدنا لسة بخير
هناك 3 تعليقات:
يا جامد ياعمي
يا عيني علي الأشعار ربنا يخليك لينا ويطمنا عليك
السلام عليكم ورحمة الله وبركاته...وبعد
فبرجاء التنبيه... والتنويه....على الزائرين الكرام الذين يكتبون التعليقات القيمة..أنهم عند مخاطبة الإناث يكتبون:
شكرا "لكى"
"دمتى" بخير
"جزاكى" الله خيرا
والصحيح أنها تكتب بغير"ياء".
ويفرق بين خطاب الإناث وخطاب الذكور بالحركات،
فتوضع الفتحة على نهاية الكلمة عند مخاطبة الذكور فنقول: "لكَ"، "دمتَ"، "جزاكَ"
اضغط }ض{SHIFT+
وتوضع الكسرة على نهاية الكلمة عند مخاطبة الإناث فنقول: "لكِ"، "دمتِ"، "جزاكِ"
اضغط } ش{SHIFT+
هذا من باب حب اللغة العربية والغيرة عليها...
"واللى مش بيغير.. يبقى مش بيحب"
مع الاعتذار للفصحى
وتقبلوا شكرى وتحياتى
السلام عليكم
أستاذنا الغالي كيف حالك وحشتنا كتييييييييييييير جدا
أخبارك .. طمنا عليك
.ايه الموضوعات الجامدة دي
جزاكم الله خيرا
دائما ما نتعلم منك
بارك الله فيك
نتمني التواصل دائما
معذرة علي الانقطاع الفترة الماضية
إرسال تعليق